Fréttasafn

Fimmtudaginn 2. júní kl. 12.15-12.45 verður boðið upp á leiðsögn í Listasafninu á Akureyri, Ketilhúsi um sýninguna Arkitektúr og Akureyri. Sýningarstjórarnir Helga Björg Jónasardóttir og Haraldur Ingi Haraldsson taka á móti gestum og fræða þá um sýninguna. Aðgangur er ókeypis.

Fimmtudaginn 26. maí kl. 12.15-12.45 verður boðið upp á síðustu leiðsögnina um ljósmyndasýninguna Fólk / People í Listasafninu, en sýningunni lýkur næstkomandi sunnudag 29. maí. Hlynur Hallsson safnstjóri tekur á móti gestum og fræðir þá um sýninguna. Aðgangur er ókeypis.

Á tímabilinu 1. júní til 31. ágúst verður innheimtur aðgangseyrir að upphæð 1000 krónum í Listasafninu á Akureyri. Kemur þessi breyting til að mestu vegna hækkunar á þjónustukostnaði vegna mikillar fjölgunar erlendra gesta yfir sumartímann. Gestir fá aðgöngumiða í hendurnar við greiðslu sem gildir á sýningar Listasafnsins sem og Listasafnsins, Ketilhúss.

Laugardaginn 21. maí kl. 15 verður opnuð sýningin Arkitektúr og Akureyri í Listasafninu á Akureyri, Ketilhúsi. Á sýningunni er byggingarlist á Akureyri skoðuð í víðu samhengi og fjallað um byggingar sem ýmist hafa unnið í samkeppnum eða hlotið sérstakar viðurkenningar. Í amstri dagsins vill oft gleymast að hlutir og byggingar þess manngerða umhverfis sem við lifum og hrærumst í voru upphaflega hugmynd sem kviknaði í huga einhverrar manneskju. Sköpunarverk sem birtast okkur fullmótuð byrjuðu öll sem lítil hugmynd.

Miðvikudaginn 18. maí og fimmtudaginn 19. maí kl. 12.15-12.45 verður boðið upp á leiðsögn í Listasafninu á Akureyri um ljósmyndasýninguna Fólk / People, en þar sýna sjö ólíkir listamenn verk sín. Fyrri leiðsögnin er haldin í tilefni af Alþjóðlega safnadeginum og fer eingöngu fram á ensku, en hin síðari verður með hefðbundnu sniði og á íslensku. Þorbjörg Ásgeirsdóttir safnfulltrúi og Guðrún Pálína Guðmundsdóttir fræðslufulltrúi fræða gesti um sýninguna sem lýkur 29. maí næstkomandi og er því um síðustu leiðsögnina að ræða. Aðgangur er ókeypis.

Listasumar á Akureyri 2016 fer fram 16. júlí - 27. ágúst og er tilvalinn vettvangur fyrir unga sem aldna listamenn til að koma sér á framfæri. Nú þegar eru margir viðburðir komnir á dagskrá og bætist við flóruna frá degi til dags. Það er því spennandi Listasumar framundan á Akureyri. Verkefnastjóri Listasumars er Guðrún Þórsdóttir og hægt er að sækja um þátttöku á netfangið gunnathors@listak.is auk þess er hægt er að sækja um aðstöðu fyrir viðburði í Sal Myndlistafélagsins í Listagilinu.

Listasumar á Akureyri 2016 fer fram 16. júlí - 27. ágúst og er tilvalinn vettvangur fyrir unga sem aldna listamenn til að koma sér á framfæri. Nú þegar eru margir viðburðir komnir á dagskrá og viðbrögð listamanna hafa verið framar vonum. Það er því spennandi Listasumar framundan á Akureyri. Lesa meira. Verkefnastjóri Listasumars er Guðrún Þórsdóttir og hægt er að sækja um þátttöku á netfangið gunnathors@listak.is.

Listasumar á Akureyri 2016 fer fram 16. júlí - 27. ágúst og er tilvalinn vettvangur fyrir unga sem aldna listamenn til að koma sér á framfæri. Nú þegar eru margir viðburðir komnir á dagskrá og viðbrögð listamanna hafa verið framar vonum. Það er því spennandi Listasumar framundan á Akureyri. Lesa meira. Verkefnastjóri Listasumars er Guðrún Þórsdóttir og hægt er að sækja um þátttöku á netfangið gunnathors@listak.is.

Fimmtudaginn 12. maí kl. 12.15-12.45 verður boðið upp á leiðsögn í Listasafninu á Akureyri um ljósmyndasýninguna Fólk / People, en þar sýna sjö ólíkir listamenn verk sín. Guðrún Pálína Guðmundsdóttir fræðslufulltrúi tekur á móti gestum og fræðir þá um sýninguna. Aðgangur er ókeypis. Listamennirnir eru Barbara Probst, Hallgerður Hallgrímsdóttir, Hrafnkell Sigurðsson, Hrefna Harðardóttir, Hörður Geirsson, Ine Lamers og Wolfgang Tillmans. Sýningarstjóri er Hlynur Hallsson. Sýningin stendur til 29. maí.

Umsóknarfrestur um styrki fyrir verkefni á Listasumar 2016 rennur út á miðnætti í dag, þriðjudaginn 10. maí. Þeim sem hafa áhuga á að taka þá í Listasumri gefst kostur á að sækja um verkefnastyrki og eru í boði tveir 300 þúsund króna styrkir og fjórir 100 þúsund króna styrkir, auk þess sem hægt er að sækja um aðstöðu fyrir viðburði í Sal Myndlistafélagsins í Listagilinu. Listasumar hefst helgina 15. – 17. júlí og lýkur á Akureyrarvöku 26. - 28. ágúst.