A! Gjörningahátíð
Listasafnið á Akureyri, Ketilhús og víðar, 1.- 4. september
Fjögurra daga gjörningahátíð sem haldin er í samvinnu Listasafnsins á Akureyri, Menningarfélags Akureyrar, Leikfélags Akureyrar, LÓKAL alþjóðlegrar leiklistarhátíðar, Reykjavik Dance Festival og KÍM. Sjónlistamenn flytja leikhústengda gjörninga og leikarar setja á svið gjörningatengd leikverk. Ætlunin er að hátíðin verði að reglulegum viðburði á Akureyri og að þátttakendur verði bæði heimamenn og erlendir listamenn. A! sló í gegn þegar hún var haldin í fyrsta skipti árið 2015 og sóttu 1.500 ánægðir gestir hátíðina. Þátttakendur voru vel þekktir gjörningalistamenn, leikarar og ungir, upprennandi listamenn. Vídeó-listahátíðin Heim var haldin á Akureyri á sama tíma sem og „off venue“ dagskrá um allan bæ.
