15. mars ? 22. apríl 2012
Fimmtudaginn 15. mars 2012 kl. 22 opnaði Sjónlistamiðstöðin sýninguna Mundi Vondi: A Retrospective í Ketilhúsinu á Akureyri. Þar gefst gestum kostur á að kynna sér úrval verka sem endurspeglar margþættan starfsferil listamannsins Guðmundar Hallgrímssonar. Til sýnis verða m.a. upptökur af gjörningum, stuttmyndir, málverk, teikningar og fatnaður en að auki verður teiknimyndasagan Mótsagnarlögmáliðafhjúpuð í fyrsta sinn, en hún var unnin sérstaklega fyrir þessa sýningu og er samstarfsverkefni Munda Vonda og Magnúsar Björns Ólafssonar. ÍMótsagnarlögmálinu, sem skrifað er á dulmáli, ríða höfundarnir heimspekinni að þolmörkum venjuleikans með því að hvolfa hinu viðtekna ofan í endurtúlkun ýmissa kunnra minna úr íslenskri þjóðtrú.
Í sköpun sinni og eyðileggingu tekst Mundi Vondi á við makt flökurleikans sem herjar á alla sem trúa því að nútíminn sé bæði nýr og gamall í senn og að enginn stígi tvisvar í sömu ána; á meðan tíminn líður um háspennukefli framfaranna og mannveran keppist við að skreyta sig sérsaumuðum martröðum sem hún dýrkar svo og fyrirlítur á sama tíma, tekur ljótur listamaðurinn upp blýant og teiknar eitthvað sem honum finnst fallegt og skemmtilegt: Það er bara einn dropi í hafinu. A er hvorki A né A. Útilokum ekkert. Sköpum af skemmdarfýsn. Höfum gaman.
