Fréttasafn

Ert þú með verkefni sem þú vilt framkvæma á Listasumar 2016? Umsóknarfrestur um styrki fyrir verkefni á Listasumar 2016 hefur nú verið framlengdur til og með 10. maí. Listasumar hefst helgina 15. – 17. júlí og lýkur á Akureyrarvöku 26. - 28. ágúst.

Fimmtudaginn 28. apríl kl. 12.15-12.45 verður boðið upp á leiðsögn í Listasafninu á Akureyri um ljósmyndasýninguna Fólk / People, en þar sýna sjö ólíkir listamenn verk sín. Hlynur Hallsson safnstjóri tekur á móti gestum og fræðir þá um sýninguna. Aðgangur er ókeypis. Listamennirnir eru Barbara Probst, Hallgerður Hallgrímsdóttir, Hrafnkell Sigurðsson, Hrefna Harðardóttir, Hörður Geirsson, Ine Lamers og Wolfgang Tillmans. Sýningarstjóri er Hlynur Hallsson. Sýningin stendur til 29. maí.

Laugardaginn 30. apríl kl. 15 verður útskriftarsýning nemenda listnáms- og hönnunarbrautar VMA opnuð í Listasafninu á Akureyri, Ketilhúsi. Sýning á lokaverkefnum nemenda hefur lengi verið fastur liður í starfsemi listnáms- og hönnunarbrautar Verkmenntaskólans á Akureyri. Nemendur fá eina önn til að vinna að lokaverkefnum sínum og uppsetningu sýningar í samvinnu við leiðsagnarkennara og samnemendur þar sem áhersla er lögð á sjálfstæð vinnubrögð.

Ert þú með verkefni sem þú vilt framkvæma á Listasumar 2016? Listasumar hefst helgina 15. – 17. júlí og lýkur á Akureyrarvöku 26.- 28. ágúst. Auglýst er eftir verkefnum til að taka þátt í Listasumri 2016 um ræðir tvenna 300 þúsund króna styrki og fjóra 100 þúsund króna styrki. Skila þarf inn verkefnalýsingu og upplýsingum um umsækjendur. Einnig er hægt að sækja um aðstöðu fyrir viðburði í Sal Myndlistarfélagsins. Umsóknum skal skilað í netfangið listasumar@listak.is. Umsóknarfrestur er til og með 27. maí.

Sumardaginn fyrsta kl. 12.15-12.45 býður Listasafnið upp á sérstaka fjölskylduleiðsögn um samsýninguna Sköpun bernskunnar 2016 í Listasafninu, Ketilhúsi. Guðrún Pálína Guðmundsdóttir fræðslufulltrúi og sýningarstjóri tekur á móti gestum og fræðir þá um sýninguna. Aðgangur er ókeypis.

Fimmtudaginn 14. apríl kl. 12.15-12.45 verður boðið upp á leiðsögn í Listasafninu á Akureyri um ljósmyndasýninguna Fólk / People, en þar sýna sjö ólíkir listamenn verk sín. Á meðal þeirra er Hrefna Harðardóttir sem tekur á móti gestum og fræðir þá um sýninguna ásamt Guðrúnu Pálínu Guðmundsdóttur safnfulltrúa. Aðgangur er ókeypis.

Heimasíða Listasafnsins á ensku er komin í loftið og orðin aðgengileg notendum. Starfsmenn Stefnu hugbúnaðarhúss hafa undanfarna daga unnið að framkvæmdinni og stendur yfirfærsla upplýsinga yfir næstu vikur. Í vikunni var einnig anddyri Ketilhússins fullkomnað þegar málverk Óla G. Jóhannssonar var hengt upp á austurvegginn, en breytingar á anddyrinu hafa staðið yfir á þessu ári. Almar Alfreðsson vöruhönnuður hafði umsjón með breytingunum og kann Listasafnið honum sínar bestu þakkir fyrir góða vinnu. Auk verks Óla G. má sjá í anddyrinu hönnun þeirra Herdísar Bjarkar Þórðardóttur, Jóns Helga Hólmgeirssonar og Þorleifs Gunnars Gíslasonar, Heklu Bjarkar Guðmundsdóttur og Söndru Kristínar.

Fimmtudaginn 7. apríl kl. 12.15-12.45 verður boðið upp á leiðsögn í Listasafninu, Ketilhúsi um sýninguna Sköpun bernskunnar 2016. Guðrún Pálína Guðmundsdóttir fræðslufulltrúi og sýningarstjóri tekur á móti gestum og fræðir þá um sýninguna. Aðgangur er ókeypis.

Summer Art’s Festival in Akureyri will be held July 16th - August 27th 2016. A call for projects participating in Summer Art’s Festival is open. Applications are open for two grants in the amount of 300.000 ISK and four grants in the amount of 100.000 ISK. Applicants are asked to provide information on themselves as well as a project-description.

Fimmtudaginn 31. mars kl. 12.15-12.45 verður boðið upp á leiðsögn í Listasafninu um ljósmyndasýninguna Fólk / People, en þar sýna sjö ólíkir listamenn verk sín. Á meðal þeirra er Hörður Geirsson sem tekur á móti gestum og fræðir þá um sýninguna ásamt Guðrúnu Pálínu Guðmundsdóttur safnfulltrúa. Aðgangur er ókeypis.