Útskriftarnemendur Myndlistaskólans á Akureyri
Sjónmennt 2015
Listasafnið á Akureyri, 16. maí - 7. júní 2015
Listhönnunardeild - grafísk hönnun: Eidís Anna Björnsdóttir, Eva Björg Óskarsdóttir, Harpa Stefánsdóttir, Ívar Freyr Kárason, Jóhann Andri Knappett, Linda Þuríður Helgadóttir, Perla Sigurðardóttir, Svala Hrönn Sveinsdóttir, Svanhildur Edda Kristjánsdóttir.
Fagurlistadeild - frjáls myndlist: Elísabet Inga Ásgrímsdóttir, James Earl Ero Cisneros Tamidles, Jónína Björg Helgadóttir, Margrét Kristín Karlsdóttir, Sigrún Birna Sigtryggsdóttir.
Það dylst engum sem skoðar verk þeirra myndlistarmanna og hönnuða sem brautskráðir eru að loknu þriggja ára námi í sérnámsdeildum Myndlistaskólans á Akureyri að þar eru á ferð sterkir einstaklingar sem taka fag sitt alvarlega og hagnýta sér til fulls þá reynslu sem þeir hafa öðlast. Sjálfsskoðun er mikilvæg og gerir þá kröfu til nemandans að hann nái að yfirstíga nánd sína og birta viðfangsefni sitt á þann hátt að veki áhuga áhorfandans. Það getur verið snúið, en styrkleiki nemandans felst í hnitmiðaðri, myndrænni framsetningu verkanna og kunnáttu til að miðla henni á sem sterkastan hátt til áhorfandans. Myndræn framsetning verkanna er partur af hugmyndinni og gegnir lykilhlutverki í að miðla áhrifunum til áhorfandans.
