Fréttasafn

Laugardaginn 4. janúar kl. 15-15.15 og 16-16.15 verður Tólf tóna álfakortérið á dagskrá í Listasafninu. Þá mun slagverksleikarinn Matiss Leo Meckl flytja tónverkin Case History eftir Roderik de Man, Bad Touch eftir Casey Cangelosi og Silence Must eftir Thierry De Mey. Tónleikarnir fara fram í sal 04 og er aðgangur ókeypis.

Listasafnið á Akureyri óskar Akureyringum og landsmönnum öllum gleðilegs nýs árs og þakkar fyrir komuna á árinu sem er að líða.

Listasafnið á Akureyri óskar landsmönnum gleðilegra jóla og farsældar á komandi ári með þökk fyrir samskiptin á árinu sem er að líða. Safnbúðin er opin á hefðbundnum opnunartíma safnsins fram að jólum, alla daga kl. 12-17.

Í safnbúð Listasafnsins er m.a. finna listræna gjafavöru, listmuni, áhugaverðar listaverkabækur af margvíslegum toga og plaköt sem fegra heimilið. Þar er einnig hægt að kaupa árskort á Listasafnið fyrir aðeins 4.900 kr. Verið velkomin. Sjón er sögu ríkari.

Laugardaginn 14. desember kl. 14 verður boðið upp á leiðsögn um sýninguna Átthagamálverkið: Á ferð um Norðausturland liðinnar aldar, sem opnuð var á dögunum og er unnin í samstarfi við Listasafn Reykjavíkur.

Sunnudaginn 8. desember kl. 14 verður boðið upp á leiðsögn um sýningu Sólveigar Baldursdóttur, Augnablik – til baka og er aðgangur innifalinn í miðaverði Listasafnsins.

Laugardaginn 7. desember kl. 15.00-15.15 og kl. 16.00-16.15 verður Tólf tóna jólakortérið á dagskrá í Listasafninu. Þá mun orgelleikarinn Sigrún Magna Þórsteinsdóttir frumflytja jólavögguvísu sem hún samdi fyrir píanó og gítar, en einnig verða leikin jólalög í nýjum búningi. Tónleikarnir fara fram í sal 04 og er aðgangur ókeypis.

Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21.

Sunnudaginn 24. nóvember kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, segja börnum og fullorðnum frá sýningunum Ekkert eftir nema mýktin og Jónas Viðar í safneign. Að lokinni leiðsögn er gestum boðið að búa til sitt eigið listaverk, innblásið af verkum sýninganna.

Boðið verður upp á listamannaspjall í Listasafninu næstkomandi laugardag, 23. nóvember, kl. 15. Þá mun Freyja Reynisdóttir, verkefnastjóri, ræða við Einar Fal Ingólfsson um sýningu hans Útlit loptsins – Veðurdagbók sem opnuð var í sal 04 í september síðastliðnum. Aðgöngumiði að safninu veitir aðgang að spjallinu.