Fréttasafn

Um síðustu helgi fór fram í Listasafninu á Akureyri myndlistarvinnustofa í verkefninu Allt til enda. Selma Hreggviðsdóttir, myndlistarmaður, bauð börnum á aldrinum 6 til 9 ára að kynnast ferli listamannsins. Þátttakendur unnu bæði samvinnuverkefni og sjálfstæð verk. Áhersla var lögð á að skoða gaumgæfilega hluti sem fólk gefur ekki mikinn gaum í daglegu lífi. Hvaðan koma hlutir og hvaða hlutverki gegna þeir í lífi okkar? Er pizza bara pizza? Hvað er listsýning? Vinnustofan var óvissuferð þar sem þátttakendur sköpuðu og höfðu áhrif á framvindu og niðurstöðu verunnar saman í Listasafninu.

Nú býður Listasafnið upp á fræðsluleik um sýninguna Einfaldlega einlægt undir yfirskriftinni Einfaldlega gaman. Tilvalið tækifæri fyrir börn og fullorðna til að staldra við, eiga samtal um myndlist og uppgötva eitthvað nýtt.

Listasafnið á Akureyri óskar landsmönnum gleðilegra jóla og farsældar á komandi ári með þökk fyrir samskiptin á árinu sem er að líða.

Þriðja og síðasta listvinnustofan undir yfirskriftinni Allt til enda fer fram í Listasafninu á Akureyri dagana 6.-7. janúar 2024. Þá mun Selma Hreggviðsdóttir, myndlistarmaður, leiða börn í 1.-4. bekk gegnum ferli listamannsins, allt frá því að fá hugmynd, vinna listaverk og finna bestu leiðina til að setja verkið fram á sýningu. Notast verður við sýningar Listasafnsins sem innblástur fyrir gerð listaverka. Hugmyndum um skala og afstöðu verður velt upp og hvernig stærð okkar hefur áhrif á upplifun á umhverfinu. Vinnustofan er óvissuferð þar sem þátttakendur skapa og hafa áhrif á framvindu og niðurstöðu samverunnar í Listasafninu. Eitt er víst að allt saman endar þetta með allsherjar sýningu sem þátttakendur skipuleggja sjálfir, þar sem listaverkin verða afhjúpuð með pompi og prakt. Sýningin stendur til 4. febrúar 2024.

Árskort Listasafnsins er til sölu í safnbúðinni og kostar aðeins 4.500 kr. Það veitir aðgang að öllum sýningum árið um kring frá og með kaupdegi. Tilvalið í jólapakkann fyrir fólk, fyrirtæki og samtök.

Nú býður Listasafnið upp á fræðsluleik um sýninguna Einfaldlega einlægtundir yfirskriftinni Einfaldlega gaman. Tilvalið tækifæri fyrir börn og fullorðna til að staldra við, eiga samtal um myndlist og uppgötva eitthvað nýtt.

Laugardaginn 9. desember verður frítt inn á Listasafnið á Akureyri og boðið upp á tvo viðburði. Klukkan 14-14.40 fer fram örleiðsögn um allar níu sýningar safnsins sem nú standa yfir. Þar munu Hlynur Hallsson, safnstjóri, og fræðslufulltrúarnir Guðrún Pálína Guðmundsdóttir og Heiða Björk Vilhjálmsdóttir segja frá sýningunum og spjalla um verkin. Klukkan 15-15.15 og 16-16.15 verður Tólf tóna kortérið á dagskrá. Þar stígur tónlistarfólkið Sóley Björk Einarsdóttir, Steinunn Arnbjörg Stefánsdóttir og Emil Þorri Emilsson á stokk og flytja jólalega tóna á trompet, selló og slagverk. Á dagskrá verða gömul frönsk jólalög auk þess sem nýtt jólalag eftir Steinunni, Jól í hjarta, verður frumflutt.

Laugardaginn 2. desember kl. 15 verða tvær sýningar opnaðar í Listasafninu á Akureyri, annars vegar sýning Sigurðar Guðjónssonar, Hulið landslag, og hins vegar sýningin Safn: Hildigunnur Birgisdóttir og verk úr safneign. Á opnunardegi kl. 15.40 verður listamannaspjall um báðar sýningar.

Um síðustu helgi fór fram í Listasafninu á Akureyri listvinnustofa í verkefninu Allt til enda. Friðrik Steinn Friðriksson, vöru- og upplifunarhönnuður, bauð ungmennum á aldrinum 12 til 15 ára að skapa módel af húsgögnum sem bæði eru mini útgáfa af venjulegum hlutum og skref í átt að því að smíða í fullri stærð. Unnið var í skala og efni sem auðvelt er að yfirfæra og stuðst við fagurfræði Enzo Mari og Rietveld.

Sunnudaginn 26. nóvember kl. 11-12 mun Heiða Björk Vilhjálmsdóttir, fræðslufulltrúi, segja börnum og fullorðnum frá samsýningunni Hringfarar, en þar má sjá verk Guðjóns Ketilssonar, Sólveigar Aðalsteinsdóttur, Elsu Dórótheu Gísladóttur og Guðrúnar Hrannar Ragnarsdóttur. Í tilefni Nýtniviku verður boðið upp á endurvinnslusmiðju að lokinni leiðsögn, þar sem áhersla er lögð á að gefa hlutum framhaldslíf með því að endurnota og endurvinna ýmiskonar umbúðir.