Flýtilyklar
Þriðjudagsfyrirlestur: Lilý Erla Adamsdóttir
Þriðjudaginn 27. október kl. 17-17.40 heldur Lilý Erla Adamsdóttir, myndlistarmaður, Þriðjudagsfyrirlestur undir yfirskriftinni Dansandi útsaumur, loðin málverk og munsturveggir. Að þessu sinni verður fyrirlestrinum eingöngu streymt á Facebooksíðu Listasafnsins á Akureyri.
Í fyrirlestrinum mun Lilý Erla fjalla um feril sinn sem myndlistarmaður og þá vinnu sem býr að baki. Myndlist Lilýjar einkennist af stöðugu samtali við efnið, þar sem eitt leiðir af öðru. Undanfarið hefur hún nýtt sér eiginleika tufttækninnar til skoðunar á þræðinum og sjónrænna áhrifa hans, þegar kemur að samspili lita og efniseiginleika. Lilý talar ýmist um verkin sín sem loðin málverk eða dansandi útsaum.
Lilý Erla Adamsdóttir lauk BA gráðu í myndlist frá LHÍ 2011 og MA gráðu í listrænum textíl frá Textilhögskolan í Borås í Svíþjóð 2017.
Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Gilfélagsins og Myndlistarfélagsins á Akureyri. Næstu tvo fyrirlestra halda myndlistarmennirnir Sunna Svavarsdóttir, myndlistarmaður og Aðalsteinn Þórsson.
Leit
